0 Comments
कविता
गाजाका नानीहरू
अनिल श्रेष्ठ
भोक त्यति सजिलो कहाँ छ ?
ओ, युद्धका सम्राटहरू
जति सजिलो छ
तिम्रो युद्धविराम
तिम्रा युद्धले भत्काएको
गाजाको आकाशलाई नियालिरहेका
ऊ ती बेघरबार
र, आफन्त गुमाएका
नानीहरूलाई हेर
भोकभन्दा बढी
अहिले तिनीहरूका आँखाले
कसरी तिमीहरूप्रति
घृणाको आगो ओकलिरहेका छन् ?
ओ युद्धका सम्राट्हरू
तिम्रा युद्धहरूभन्दा
खतरनाक हुन्छन् उनीहरूका आँखाले
ओकलिरहेको घृणाको आगो ।
आँबुखैरेनी, तनहुँ
लेखकको बारेमा
