काठमाडौं । अध्यादेशबाट सरकारी निकायका पदाधिकारी हटाउने निर्णयविरुद्ध दायर भएको रिटमा संवैधानिक इजलासलाई सहयोगका लागि नेपाल बार एसोसिएसन र सर्वोच्च बारबाट आठजना एमिकस क्युरी खटाइएको छ ।

संवैधानिक इजलासको माग अनुरुप सर्वोच्च अदालत बारबाट चारजना र नेपाल बारबाट चारसहित आठजना एमिकस क्युरी पठाइएको हो ।

दुवै बारले सोमबार (जेठ २५) आठजना संविधान र कानुनका विज्ञलाई सुनुवाइका दिन वहसका लागि खटाएको हो ।

सर्वोच्च अदालत बारले  वरिष्ठ अधिवक्ता बद्रीबहादुर कार्की,  गोविन्द वन्दी, संविधानविद् भिमार्जुन आचार्य र  वरिष्ठ अधिवक्ता उषा मल्ल पाठकलाई बहसमा खटाएको छ ।