टी २० अन्तर्गत अहिले भर्खरै सम्पन्न खेलमा नेपाल बंगलादेशसँग २१ रनले पराजित भएको छ ।
यो संस्करणको अन्तिम खेलमा खराब ब्याटिग गरेको नेपालले जित विहिन हुँदै घर फर्कनुपर्ने भएको छ । १सय ७ रनको लक्ष्य पछ्याएको नेपाल ८५ रनमै अल आउट भएको हो । खेलमा कुशल मल्लले सर्वाधिक २७ र दिपेन्द्र सिंह ऐरीले २५ रन बनाएका थिए । ओपनर आसिफ शेखले १७ र कुशल भुर्तेलले ४ रन बनाए भने सन्दिप जोहरा र रोहित पौडेल १ रनमै आउट भए ।
बंगलादेशका तान्जिम हसनले ४ विकेट लिए भने मुश्ताफिजुर रहमानले ३ विेकट लिए ।
नेपालका सोमपाल कामी,दीपेन्द्रसिंह ऐरी,रोहित पौडेल र सन्दिप लामिछानेले दुई दुई विकेट लिए ।
यो हारसँगै नेपालको विश्वकप यात्रा सकिएको छ ।