0 Comments 
काठमाडौं । घरेलु टोली नेपालले सेन्ट्रल एसिया भलिबल एसोसिएसन (काभा) महिला च्याम्पियनसिपमा पहिलो जित दर्ता गरेको छ ।
शनिबार त्रिपुरेश्वरस्थित राष्ट्रिय खेलकुद परिषद् (राखेप)को कभर्ड हलमा नेपालले कीर्गिस्तानलाई ३–० को सोझो सेटमा हराएको हो ।
नेपालले खेल २५–१८,२५–२० र २५–१३ ले आफ्नो पक्षमा पार्यो । जितसँगै दुई खेलबाट चार अंक जोडेको नेपाल समूह ‘ए’को दोस्रो स्थानमा छ । नेपालको सेमिफाइनल सम्भावना जीवितै छ ।
पराजित कीर्गिस्तान दुई खेलबाट तीन अंकका साथ तेस्रो स्थानमा छ ।
लेखकको बारेमा
