काठमाडौँ ।आगामी भदौ ९ गतेदेखि ‘एचपी ल्युब्रिकेन्ट्स प्रिजेन्ट्स १८औं नाडा अटो शो २०२६’सुरु हुँदैछ ।

राजधानीको भृकुटीमण्डपमा सुरु हुने उक्त शोमा दुई सयभन्दा बढी स्टलहरु रहनेछन् । तीन लाख वर्गफिटमा रहने उक्त शोमा दुई सयभन्दा बढी स्टल सहित सञ्चालन हुनेछ । प्रदर्शनी स्थलमा रहने करिब ७० कम्पनीले चलाएर लैजान मिल्ने कुनै वस्तु बेच्दैनन् । तिनले टायर, ब्याट्री, इन्जिन आयल, हेलमेट, बेयरिङ, ग्यास्केट, फिल्टर, डाइग्नोस्टिक उपकरण, ग्यारेज टुल्स, जीपीएस तथा टेलिमेटिक्स प्रणाली, एसेसरिज र इभी चार्जिङ उपकरण उपलब्ध गराउँछन् । करिब १० बैंक, वित्तीय संस्था र बीमा कम्पनी अटो लोन तथा सवारी बीमा विद्युतीय सवारीका लागि छुट्टै वित्तीय योजनासहित लिएर उपस्थित हुने आयोजकले बताएका छन् ।

उक्त प्रदर्शनीमा गाडी छान्न तीन हप्ता लाग्छ, तर छानेको निर्णयसँग दस वर्ष बाँच्नुपर्छ । ती तीन हप्ता सोरुममा बित्छन् । ती दस वर्ष वर्कसप, बैंक, बीमा कार्यालय र टायर पसलमा बित्छन् ।

प्रदर्शनीलाई चारपाङ्ग्रे, दुईपाङ्ग्रे, वित्तीय संस्था, अटो पार्ट्स र ग्यारेज उपकरण गरी छुट्टाछुट्टै क्षेत्रमा विभाजन गरिएको आयोजकले बताएका छन् । युरोपेली इन्जिनियरिङसहितको स्कोडा, मलेसियाको राष्ट्रिय ब्राण्ड प्रोटोन, र चेरी (ओमोडा तथा जेकु) एवं जीडब्ल्यूएम लगायत चिनियाँ निर्माता । जापानी, भारतीय, कोरियाली, चेक, मलेसियाली र चिनियाँ मूलका सवारीसाधन राखिएको आयोजकले बताएका छन् ।

विदेशी सहभागीका लागि इन्टरनेसनल बिजनेस प्याभिलियन र स्वदेशी उत्पादन तथा एसेम्बलीका लागि ‘मेड इन नेपाल र मेड फर नेपाल’ प्याभिलियन छुट्याइएको छ ।

“अटो शो भन्नेबित्तिकै गाडीले भरिएको हल भन्ने लाग्छ । तर हाम्रो प्रदर्शनीको ठूलो हिस्सा त ती गाडी वर्षौंसम्म चलाइराख्ने उद्योगले ओगटेको छ । त्यो उद्योग पनि देखिनुपर्छ ”  नाडाका अध्यक्ष सुरेन्द्र कुमार उप्रेतीले भनेका छन् ।