पोखरा /अविरलको वर्षासँगै गएका पहिरोहरुले पोखरा छिर्ने सबै सडकहरू अवरुद्ध भएका छन् । पृथ्वी राजमार्ग र सिद्धार्थ राजमार्ग सहित गण्डकीका प्राय सडकमा पहिरो झरेर आवागमनमा अबरोध पुगेको छ ।
सिद्धार्थ राजमार्गको वालिङ नगरपालिका ८ स्थित शान्ति, वडा नम्बर १० को मोदीखोला, गल्याङ ८ को चिउरी र गल्याङ ११ को मुडकिल्ला,बेंसीशहर मनाङ सडक, मालढुंगा बेनी, बेनी दरबाङ र बेनी जोमसोम सडक,बेसीशहर चामे सडकको मर्स्याङ्दी ४ हावाडाँडा लगायतका स्थानमा पहिरो गएको छ ।