पश्चिमी जगतमा “ज्योय अफ लिभिङ्” नामले परिचित उक्त ध्यान प्रशिक्षण मानसिक स्वास्थ्य, शान्ति, एकाग्रताका लागि ज्यादै प्रभावकारी रहेको सहभागीहरूले बताउँदै आएका छन्। नेपालमा यो प्रशिक्षण यसअघि सन् २०१७ मा आयोजना गरिएको थियो। गैर–साम्प्रदायिक र गैर–धार्मिक उक्त कार्यक्रमले सवै क्षेत्रका सर्वसाधारणलाई लाभ पुर्याउने आयोजक संस्था बुद्ध प्रकाश फाउन्डेसनले बताएको छ। “ध्यानको बिलकुलै अभ्यास नगरेका वा वर्षौदेखि अभ्यास गरिरहेका सबैका लागि यो ध्यान उत्तिकै उपयोगी रहने कुरा ” फाउन्डेसनले बताएको छ। ध्यान प्रशिक्षणका अतिरिक्त गोन्पाले आफ्नो नियमित कार्यक्रम अन्तर्गत भदौ २८ देखि असोज ५ गतेसम्म संचालन हुने, ङाक्सो ढ्रुब्छेन पूजा पनि आयोजना गरिने भएको छ । ङाक्सो ढ्रुब्छेन,  चित्तशुद्धि र विघ्नबाधाबाट मुक्तिका लागि प्रभावकारी हुने विश्वास हिमाली बौद्ध    धर्मवालाम्बीहरुमा पाइन्छ ।