आज पोखरा फाइनान्स कम्पनीको शेयर १० प्रतिशतले घटेको छ । समग्रमा बजार घटेको दिन बोटलर्स नेपाल (बालाजु), विन नेपाल लघुवित्त, मन्दाकिनी हाइड्रोपावर, अपर हेवाखोला हाइड्रोपावर कम्पनीको शेयर भने १० प्रतिशतले बढेको छ ।

आज नेप्से घटे पनि कारोबार रकम भने सामान्य बढेको छ । पोखरा फाइनान्सको मूल्य सबैभन्दा बढी १० प्रतिशतले घटेको छ। उक्त कम्पनीको प्रतिकित्ता मूल्य ४३३ रूपैयाँ कायम भएको छ।यस्तै जानकी फाइनान्सको मूल्य ९.३९ प्रतिशतले घटेर प्रतिकित्ता मूल्य ५६० रूपैयाँमा झरेको छ। बिहीबार सिन्धु विकास बैंकको सर्वाधिक कारोबार भएको छ।