काठमाडौँ उपत्यकाको चारै सुरमा योगिनीहरूको स्थापना गरिएको छ।   यी चारै योगिनी हिन्दु-बौद्ध दुवै सम्प्रदायका लागि आराध्य शक्तिस्वरूपा देवी भगवतीका रूप हुन्। साँखुमा रहेकी बज्रयोगिनी सबैभन्दा पुरानो र अन्य तीन योगिनीका दिदी हुन् भनेर भनिन्छ। बाँकी तीन योगिनीमा गुह्येश्वरी, फर्पिङ र बिजेश्वरीस्थित बज्रयोगिनी हुन्।   प्रत्येकको आफ्नै इतिहास  रहेको छ ।योगिनी भनेको तन्त्रसाधना र योगसाधनामा निपुणलाई पनि योगिनी भनिन्छ।योगिनीलाई बज्रयोगिनी पनि भन्ने गरेको पाइन्छ ।यस किसिमको योग कसैले कसैगरी पनि तोड्न नसक्ने भएकोले बज्रसमान मानिन्छ । यसै सन्दर्भमा यी देवीलाई बज्रयोगिनी पनि भन्ने गरिएको हो । वज्रयोगिनी एक स्वभाविक, शुद्ध प्राकृतिक अवस्था हो । कमलको फूल जस्तै । त्यहाँ कुनै कृत्रिमता हुन्न ।