यस महत्त्वपूर्ण सत्रमा आचार्य हिसी डोल्माले प्रवचन दिनुहुनेछ। विख्यात बौद्ध गुरु छोक्नी रिन्पोछेकी विद्यार्थी तथा तिब्बती भाषा र बौद्ध दर्शन विज्ञ आचार्य हिसी डोल्मा चोभार, काठमाडौँस्थित ‘छोक्नी गेछाक् लिङ्’ मा अध्यापन गर्नुहुन्छ। यो सत्र नेपाली भाषामा सञ्चालन हुनेछ। बुद्धका कालातीत शिक्षाहरूले हामी किन सधैँ असन्तुष्ट हुन्छौँ र त्यसबाट मुक्त हुने बाटो के हो भनी बुझ्न आफ्नो अनुभवमाथि गहिरिएर हेर्न प्रेरित गर्दछन्। बुद्ध धर्मको मूलभूत शिक्षालाई सरल भाषामा बुझ्न इच्छुक सबैका लागि यो कार्यक्रम उपयोगी हुने आयोजक संस्थाको भनाइ छ।