सुनसरीको देवानगञ्ज गाउँपालिका–३ कप्तानगञ्जमा १० साउनको राति हिन्दु र मुस्लिम समुदायबीच तनाव भएको थियो । त्यसपछि भएको झडप तथा सुरक्षाकर्मीको गोली लागेर चार जनाको मृत्यु समेत भएको थियो ।

सुरुमा सुरक्षाकर्मीको गोली लागेर कप्तानगञ्जका ओमप्रकाश मेहताको मृत्यु भएको थियो । घाइते भई उपचाररत रहेका जयप्रकाश मेहता र रवीन्द्र मेहताको पनि मृत्यु भएको थियो ।

यो विवाद सिरहासम्म पुगेको थियो । सिरहामा पनि गोली लागेर गणेश यादवको मृत्यु भएको थियो । यी दुवै घटनाको छानबिन गर्न गृहमन्त्रालयले छुट्टा छुट्टै समिति बनाएको थियो ।