काठमाडौँ।भारतमा शिक्षामन्त्री धर्मेन्द्र प्रधानको राजीनामा माग्दै कक्रोच जनता पार्टी (सिजेपी) सडकमा निस्किएको छ।

कक्रोच जनता पार्टीका संस्थापक अभिजित दिप्केको आह्वानमा शनिबार बिहानदेखि राजधानी नयाँ दिल्लीस्थित जन्तर मन्तरमा प्रदर्शन भएको हो। सिजेपीको यो पहिलो प्रदर्शन हो।

त्यहाँ सैयौंको संख्यामा युवाहरू उपस्थित भएका छन्। उनीहरूले शिक्षामन्त्रीको राजीनामा माग गर्दै नाराबाजी गरेका छन्।

प्रदर्शनको तस्बिर र भिडिओ दिप्केले सामाजिक सञ्जालमा सार्वजनिक गरेका थिए।

दिप्केले शिक्षामन्त्रीलाई राजीनामा गर्नका लागि शनिबार साँझ ५ बजेसम्मको अल्टिमेटम दिएका छन्।

राजीनामा नगरे प्रदर्शन देशव्यापी बनाउने चेतावनी उनले दिएका छन्।

शिक्षामन्त्री प्रधान र शिक्षा मन्त्रालयमाथि सन् २०२६ को प्रश्नपत्र चुहावट प्रकरण तथा कक्षा १२ को परीक्षापछि उत्तरपुस्तिका मूल्यांकन र पुनर्मूल्यांकनमा प्रयोग गरिएको सिबिएसईको अनस्क्रिन मार्किङ ओएसएम प्रणालीमा अनियमितता गरेको आरोप छ।

प्रदर्शनमा सहभागी भएका सोनम वाङ्चुकले शिक्षामन्त्रीको राजीनामाको माग केवल निट वा सिबिएसई  विवादमा सीमित नभएको बताएका छन्।

पार्टीको इन्स्टाग्राम फलोअर संख्या २ करोड २० लाख नाघेको दाबी गरिएको छ, जुन भारतीय जनता पार्टी र कांग्रेसको भन्दा बढी हो।

सिजेपीको उदय भने व्यंग्यात्मक अभियानबाट सुरु भएको थियो।

गत महिना अदालतको सुनुवाइका क्रममा भारतका प्रधानन्यायाधीशले केही व्यक्तिलाई ‘ककरोच’ र ‘परजीवी’ भनेको टिप्पणीपछि यसको सुरुआत भएको थियो। त्यसयता यो समूह युवामुखी राजनीतिक अभियानका रूपमा विस्तार भएको दाबी गरिएको छ।

३० वर्षीय दिप्के महाराष्ट्रका हुन्। उनले पुणेमा पत्रकारितामा स्नातक अध्ययन गरेपछि उच्च शिक्षाका लागि अमेरिका गएका थिए।

उनले