काठमाडौं। ‘दार्चुला कला साहित्य’ र ‘किशनसिंह धामी व्यक्ति र कृति’ को लोकार्पण सम्पन्न भएको छ ।
नेपाल स्रष्टा समाजद्धारा राजधानीमा आयोजित एक कार्यक्रममा उक्त कृतिहरु वरिष्ठ साहित्यिक पत्रकार नगेन्द्रराज शर्मा, डा.तारा निरौला, श्रीओम श्रेष्ठ ‘रोदन’ , प्रा.डा खगेन्द्र लुइँटेल, किसनसिंह धामी, पवन आलोक, प्रा.डा.लक्ष्मणप्रसाद गौतम, प्रमोद प्रधान, प्रा.डा.भरतकुमार भट्टराई, ज्ञानु अधिकारी कृतिकार नेत्रप्रसाद फुयल, लगायतले उक्त कृति लोकार्पित गरे।

प्रमुख अतिथि वरिष्ठ साहित्यिक पत्रकार नगेन्द्रराज शर्माले नेपाली भाषा,साहित्यमा गतिविधिहरु निरन्तर भैरहनुपर्नेमा जोड दिए ।उनले किशनसिंह धामीले डायस्पोरामा बसेर नेपाली भाषा साहित्य र संस्कृतिको जगेर्नामा गरेको कार्यको प्रशंसा पनि गरे ।
कार्यक्रममा लोकार्पित कृतिहरुमाथि वरिष्ठ समालोचक प्रधान र प्रा.डा.भट्टराईले परिचर्चा गरे ।
कार्यक्रममा अतिथिहरुले शुभकामना मन्तव्य राख्ने क्रममा धामीको योगदानको चर्चा गरे ।
नेपाल स्रष्टा समाजका केन्द्रीय अध्यक्ष श्रीओम श्रेष्ठ ‘रोदन’को सभापतित्वमा सम्पन्न उक्त कार्यक्रमा स्वागत मन्तव्य समाजका महासचिव प्रकाश घायलले राखेको उक्त कार्यक्रमको सञ्चालन सदस्य प्रदीप सापकोटाले गरेका थिए ।

‘दार्चुला कला साहित्य’ का सम्पादक श्रीओम श्रेष्ठ ‘रोदन’ हुन् भने ‘किशनसिंह धामी व्यक्ति र कृति’ का लेखक नेत्रप्रसाद फुयल हुन्।

कार्यक्रम औपचारिक रुपमा सुरु हुनुअघि सुदुर पश्चिम नेपालको साँस्कृतिक झाँकी प्रस्तुत गरिएको थियो ।

कार्यक्रममा तारा किशन फाउण्डेसनकी संरक्षक तारादेवी धामीले अतिथि तथा वि.सं.२०७९ मा दार्चुलामा भएको साहित्यिक सम्मेलनमा जाने स्रष्टाहरुलाई मायाको चिनो प्रदान गरिन ।