पूर्ण बहादुर श्रेष्ठ ह्रदयंकृत

१.गाली खाएकै छौ तिमीले अति नै हराम भएर हो

नराम्रो भन्दै सोचेको नियत खराव भएर हो

अझै पनि राम्ररी सोच्नु केही बिग्रिएको छैन्

बिग्रने त प्रश्न एउटा जवाफ भएर हो ।

२.गुनको बदला खुनले पो तिर्न खोज्नु हुन्छ यार

तपाई घाउ भएकै ठाउँमा चिर्न खोज्नु हुन्छ यार

पदिय दायित्व खुव गजवसँग निभाउनु भो

ढोका हुँदाहुँदै झ्यालबाट छिर्न खोज्नु हुन्छ यार ।

३.भनिदिन्छन् कुरै नबुझी केही पनि बाध्य छैन्

पेटभरि खानलाई आफेनो घरमा खाद्य छैन्

समस्यामा जेलिएर कति दिन पो बाँच्ने होला

कसले बुझ्छ पीडाहरु  यहाँ भनि साध्य छैन् ।

४.छाला गोरो हुँदैमा मान्छे राम्रो हुँदैन्

बोली खस्रो हुँदैमा मान्छे चाम्रो हुँदैन्

कयौं मान्छे गर्छन् चिल्ला र मीठा कुरा

विचार गर्नु त्यस्ता मान्छे हाम्रो हुँदैन् ।