0 Comments 
बैशाख, ललितपुर । २०३८ सालदेखि संस्थागत रुपमा नेपाली संस्कृति र ईतिहासको खोजी, लेखन तथा प्रकाशनमा निरन्तर रुपले लाग्दै आउनुभएका सक्रिय संस्कृति शिरोमणी हरि राम जोशीज्यूको नेतृत्वमा संचालित जोशी रिसर्च ईन्ष्टिच्युट लगनखेलद्वारा “हरि राम जोशी संस्कृति पुरस्कार २०८१” तथा “कदम पुरस्कार २०८१ ” यस पटक क्रमश: हिटी प्रणाली लेखक. डा. पद्म सुन्दर जोशी र अभिलेखविद, डा. श्याम सुन्दर राजवंशीलाई प्रदान गरेको छ ।
जोशी रिसर्च इन्ष्टिच्यूट’ले आज पाटन दरबार क्षेत्रस्थित पाटन सङ्ग्रहालयमा एक समारोहको आयोजना गरी उक्त पुरस्कार प्रदान गरेको हो। पुरस्कारको राशि जनही रु २५ हजार रहेको छ। इतिहास, संस्कृति, धर्म र दर्शनको अनुसन्धानमा सक्रिय संस्कृतिविद् हरिराम जोशीले स्थापना गरेको संस्थाले संस्कृति संरक्षण र सम्वर्द्धनको कार्यमा योगदान दिनेलाई चार वर्षदेखि उक्त पुरस्कार दिँदै आएको छ।
डा जोशी र डा राजवंशीको अध्ययन अनुसन्धानमा परिस्कृत विज्ञाता रहेको भान हुन्छ, दुवैजना जीवन्त सांस्कृतिक सम्पदाको संरक्षक हुनुहुन्छ’, उनले भने। “नेपालभाषा एकेडेमीका चान्सलर डा. मल्ल के. सुन्दरज्युको प्रमुख आतिथ्यतामा सो कार्यक्रम सम्पन्न भएको हो |
सम्मानित व्यक्तित्व इञ्जिनियर जोशीले पाटनको हिटी संरक्षणमा १६/१७ वर्षदेखि काम गरेर आफूले इतिहासको संरक्षण र जीवन्तताका लागि मद्दत पुग्ने काम गरेको बताए। सम्मानित व्यक्तित्व जोशीले यो सम्मानले आफूलाई जिम्मेवारी थपिएको महसुस भएको र हरेक कुराको दस्तावेजीकरण गर्नु पुस्तान्तरणका साथै पछिल्लो पुस्ताका लागि महत्वपूर्ण काम हो भने। हरेक काम आउने पुस्ताका लागि जीवन्त बनाउन सक्ने गरी काम गर्नुपर्ने उल्लेख गर्दै उनले ललितपुर महानगरले हराइसकेका पोखरी र हिटीको संरक्षणमा महत्वपूर्ण काम गर्दै आएको धारणा राखे।
इतिहासविद् प्रा डा त्रिरत्न मानन्धरले नेपालको संस्कृति र इतिहासको क्षेत्रमा गरेको गहन अनुसन्धानलाई कदर गरी प्रदान गरिएको यो पुरस्कारले इतिहास तथा संस्कृति संरक्षणमा लाग्नेलाई थप प्रेरणा र ऊर्जा प्रदान गर्ने बताए ।
गत वर्ष उक्त पुरस्कार प्रा डा पुरुषोत्तमलोचन श्रेष्ठ र साहित्यकार तथा कवि मोहन दुवाललाई प्रदान गरिएको थियो।
लेखकको बारेमा
