काठमाडौं। दक्षिण एसियाली फुटबल महासंघ (साफ) यू -२० महिला च्याम्पियनसिपमा नेपालले आज भुटानसँग खेल्दैछ।

शनिबार बंगलादेशको ढाकास्थित किङ्स एरेनामा खेल नेपाली समयअनुसार दिउँसो २:४५ बजेदेखि सुरू हुनेछ।

पहिलो खेलमा नेपालले भुटानलाई ६-१ गोलले हराएको थियो।

आयोजक बंगलादेशसहित भुटान, श्रीलंका र नेपाल सम्मिलित प्रतियोगितामा डलब राउन्ड रोबिनको आधारमा खेल भइरहेको छ।

‍नेपालले श्रीलंकासँग दुई खेल खेलिसकेको छ। दुवै खेलमा नेपाल ७-० गोलले विजयी भएको थियो।

आयोजक राष्ट्र बंगलादेशसँग पहिलो खेलमा ३-२ गोलले हारेको थियो।

नेपालले आजको खेलपछि सोमबार बंगलादेशसँग खेल्नेछ।