काठमाडौं।जापानको संसदले मंगलबार कट्टर रूढिवादी सानाए ताकाइचीलाई देशको पहिलो महिला प्रधानमन्त्रीको रूपमा निर्वाचित गरेको छ।

राजनीति र कार्यस्थलमा वृद्ध पुरुषहरूको प्रभुत्व रहेको जापानजस्तो पितृसत्तात्मक देशका लागि यो एक ऐतिहासिक क्षण हो।
ताकाइची अक्टोबरको सुरुमा सत्तारुढ लिबरल डेमोक्रेटिक पार्टी (एलडीपी) को नेता चुनिएकी थिइन्। उनको विजयले विवादले ग्रसित एलडीपीको राजनीतिक झुकावलाई थप दक्षिणपन्थी बनाएको सङ्केत गर्छ।
सन् १९६१ मा नारा प्रिफेक्चरमा जन्मेकी ताकाइचीका बुबा कार्यालय सहयोगी र आमा प्रहरी अधिकृत थिइन्। उनको बाल्यकाल राजनीतिभन्दा धेरै टाढा थियो।उनी एक समयमा हेभी मेटल ड्रमरका रूपमा परिचित थिइन् र तीव्र ड्रमिङका क्रममा स्टिकहरू भाँच्ने भएकाले धेरै स्टिक बोक्ने गर्दा उनी प्रसिद्ध थिइन्।

उनको राजनीतिक प्रेरणा सन् १९८० को दशकमा अमेरिका-जापान व्यापार द्वन्द्व चरमोत्कर्षमा पुगेका बेला आयो। उनले सन् १९९६ मा एलडीपी बाट संसदीय सिट जितेकी थिइन्।
त्यसबेलादेखि उनले एकपटक मात्र पराजित हुँदै १० पटक सांसदको रूपमा निर्वाचित भइन् र पार्टीको सबैभन्दा मुखर रूढिवादी आवाजको रूपमा ख्याति कमाएकी छिन्।