काठमाडौं।हाल देशमा पश्चिमी न्यून चापीय प्रणालीको प्रभाव रहेको छ।

जल तथा मौसम पूर्वानुमान महाशाखाका अनुसार बिहीबार बिहान सुदूरपश्चिम प्रदेश, कर्णाली प्रदेश, लुम्बिनी प्रदेश र गण्डकी प्रदेशमा आंशिकदेखि साधारणतया बदली रही बाँकी प्रदेशमा आंशिक बदलीदेखि मौसम मुख्यतया सफा रहेको छ।

तराईका थोरै स्थानहरुमा आज बिहान पनि हुस्सु लागेको महाशाखाले जनाएको छ ।

महाशाखाका अनुसार बिहीबार दिउँसो सातवटै प्रदेशमा आंशिकदेखि साधारण बदली रहने छ।

त्यस्तै कोशी प्रदेशको हिमाली क्षेत्रको थोरै स्थानमा हल्का वर्षा र हिमपात तथा पहाडी भूभागका एकदुई स्थानमा हल्का वर्षाको सम्भावना रहेको छ।

त्यस्तै बागमती प्रदेशको पनि हिमाली क्षेत्रको थोरै स्थानमा हल्का वर्षा र हिमपात तथा पहाडी क्षेत्रको एकदुई स्थानमा हल्का वर्षा हुने सम्भावना छ।

गण्डकी प्रदेशको हिमाली हिमाली क्षेत्रको केही स्थानहरूमा मेघगर्जन चट्याङसहित हल्का वर्षा र हिमपात तथा पहाडी क्षेत्रको एकदुई स्थानमा मेघगर्जन र चट्याङसहित हल्का वर्षाको सम्भावना रहेको महाशाखाले जनाएको छ।

लुम्बनी प्रदेशको पहाडी र तराई क्षेत्रका एक(दुई स्थानमा मेघगर्जन चट्याङसहित हल्का वर्षाको सम्भावना रहेको जल तथा मौसम पूर्वानुमान महाशाखाले जनाएको छ।