काठमाडौँ ।हाल नेपालमा उपल्लो वायुमण्डलमा रहेको पश्चिमी न्यूनचापीय रेखा, स्थानीय वायु र पश्चिमदेखि पूर्वसम्म नेपालनजिक रहेको न्यूनचापीय रेखाको प्रभाव रहेको विभागले बताएको छ ।
देशका केही भूभागमा आज वर्षा हुनेछ । केही स्थानमा हावाहुरीको सम्भावना छ ।

जल तथा मौसम विज्ञान विभागका अनुसार दिउँसो देशभर साधारणतया बादल लाग्नेछ । लुम्बिनी, कर्णाली र सुदूरपश्चिम प्रदेशलगायत कोसी, वाग्मती र गण्डकी प्रदेशका हिमाली र पहाडी भूभागका केही स्थानमा मेघगर्जनरचट्याङसहित मध्यमसम्मको वर्षा रहिमपातको सम्भावना रहेको छ ।

यस्तै,मधेस, कोसी, वाग्मती, गण्डकी, लुम्बिनी र सुदूरपश्चिम प्रदेशका तराई भूभागका थोरै स्थानमा मेघगर्जन र चट्याङसहित मध्यमसम्मको वर्षा र हिमपातको सम्भावना छ । विभागका अनुसार देशका तराई र पहाडी भूभागका केही स्थानमा हावाहुरीको पनि सम्भावना छ ।

राति सुदूरपश्चिम प्रदेशलगायत देशको हिमाली र पहाडी भूभागमा साधारणतया बादल लाग्ने विभागले बताएको छ । बाँकी भूभागमा आंशिक बादल लाग्नेछ ।

सुदूरपश्चिम, कर्णाली र गण्डकी प्रदेशका हिमाली र पहाडी भूभागका थोरै स्थानमा तथा कोसी, वाग्मती र लुम्बिनी प्रदेशका हिमाली भूभागका एकदुई स्थानमा हल्का वर्षा रहिमपातको सम्भावना छ ।

आज बिहान काठमाडौं लगायत मध्य नेपालमा वर्षा भइरहेको छ ।