काठमाडौँ । देशका केही भूभागमा  अपराह्न ४ बजेदेखि पानी परिरहेको छ ।

काठमाडौंसहितका स्थानमा वर्षा भइरहेको नेपाल मौसम विज्ञान विभागले जनाएको छ ।

काठमाडौंका बूढानीलकण्ठ, सुन्दरीजल, कपन, पानीपोखरी, कीर्तिपुर, त्रिपुरेश्वरलगायत स्थानमा पानी परिरहेको छ । काठमाडौं आसपास भक्तपुर, नुवाकोटका केही स्थानमा पनि वर्षा भएको छ ।

पछिल्लो एक घण्टामा सबैभन्दा धेरै वर्षा कपिलवस्तुको तिलोत्तमामा २५.२ मिलिमिटर भएको छ ।

कोसी, वाग्मती, गण्डकी र लुम्बिनीका केही स्थानमा पानी परिरहेको विभागले जनाएको छ । यी भूभागमा हल्कादेखि मध्यमसम्मको वर्षा भएको छ ।

“कोसी, वाग्मती, गण्डकी र लुम्बिनी प्रदेशमा अहिले मेघगर्जन र चट्याङसहित पानी परिरहेको छ,। ” विभागका अनुसार यी प्रदेशमा अझै केही समय पानी पर्ने देखिन्छ ।