काठमाडौं ।अर्जेन्टिनाका महान फुटबलर लिओनल मेसीले सोमबार अन्तर्राष्ट्रिय फुटबलबाट संन्यास लिने घोषणा गरेका छन्।
“हामी महसुस गर्न सक्छौँ, सपना बोकेको सानो बच्चाको महानता देख्न पाउँदा कति कृतज्ञ थियौँ लियो तिमी । सारा विश्वका लागि प्रेरणाको स्रोत हौँ । आफ्नो देशका लागि ठूलो उपहार दियौँ । तिम्रो विरासत सधैँभर जीवित रहनेछ । अर्जेन्टिना तथा विश्व फुटबलका लागि जे–जे गर्यौं त्यसका लागि धन्यवाद,” इंल्यान्डका पूर्वकप्तान डेबिड बेकह्यामले अर्जेन्टिनाका लियोनल मेसीको बिदाइमा लेखेका शब्द हुन् यी ।
मेसीले लेखेका छन्, ‘फाइनल सकिएको केही समयपछि र धेरै सोचविचार गरेपछि, म सबैलाई जानकारी गराउन चाहन्छु कि म अर्जेन्टिनाको राष्ट्रिय टोलीबाट संन्यास लिँदैछु।’

उनले अगाडि लेखेका छन्, ‘यो निर्णय लिन निकै गाह्रो भयो र अझै पनि मन दुखिरहेको छ, तर मलाई लाग्छ कि अब समय आएको छ। म कसम खान्छु कि मैले सधैं आफ्नो सर्वस्व दिएँ। मैले सधैं यो जर्सीका लागि मैदानमा लडेँ ताकि तपाईँहरूलाई खुसी दिन सकूँ र अर्जेन्टिनी हुनुमा गर्व महसुस गराउन सकूँ।’

मेसीले नयाँ पुस्ताका खेलाडीलाई मौका दिनुपर्ने बताउँदै थपे, ‘अब समय सकिँदैछ, अध्यायहरू बन्द हुँदैछन्। मैले आफूसँग भएको सबै थोक दिएँ, अब मसँग दिनका लागि केही बाँकी छैन। अब म बाहिरै बसेर तपाईँहरू जस्तै टोलीको समर्थन गर्नेछु।’

उनले आफ्नो परिवार, प्रशिक्षक, सहकर्मी र समर्थकहरूलाई २० वर्षको साथका लागि धन्यवाद दिँदै ‘मलाई अर्जेन्टिनी बनाएकोमा भगवानलाई धन्यवाद’ भन्दै पत्र टुङ्ग्याएका छन्।

एक महान खेलाडीबाट यस्तो प्रतिक्रिया आउनुबाट पनि थाहा हुन्छ लियोनेल मेसी कति महान थिए भनेर । मेसीले करिब दुई दशक विश्व फुटबलमा आफ्नो जादु चलाए । जसबाट हर कोही मोहित भएका छन् ।

अब, अन्तर्राष्ट्रिय मञ्चमा मेसीको जादु हेर्न नपाइने भएको छ । आठ बालोन डी’ ओर, एक फिफा वर्ष खेलाडी, दुई कोपा अमेरिका उनले जितेका ‘महान’ उपाधि हुन् । त्यस्तै, २०६ अन्तर्राष्ट्रिय खेल, १७५ गोल र अनगिन्ती यादगार क्षणको विरासत छाडेर मेसीले अन्तर्राष्ट्रिय फुटबलबाट सन्न्यासको घोषणा गरेका छन् ।
विश्वकपमा स्पेनसँग पराजित हुँदा मेसीले भनेका थिए, “मैले दिन सक्ने सबै कुरा राष्ट्रलाई दिएको छु । अब दिन बाँकी केही छैन ।”
मेसी अर्जेन्टिनाका लागि सबैभन्दा धेरै गोल गर्ने र सबैभन्दा धेरै खेल खेल्ने खेलाडी हुन्। उनले राष्ट्रिय टोलीका लागि २०३ खेलमा १२४ गोल गरेका छन्। उनले सन् २०२२ मा अर्जेन्टिनालाई ३६ वर्षपछि विश्वकपको उपाधि जिताउन ऐतिहासिक नेतृत्व गरेका थिए। त्यसअघि २०२१ मा उनकै कप्तानीमा अर्जेन्टिनाले २८ वर्षको उपाधि खडेरी तोड्दै कोपा अमेरिका जितेको थियो।

यसअघि मेसीले सन् २०१६ मा पनि संन्यासको घोषणा गरेका थिए, तर पछि आफ्नो निर्णय फिर्ता लिँदै टोलीमा फर्किएर विश्वकप जिताएका थिए।यो दश वर्षको अन्तरालमा मेसीले देशका लाथि सबैथोक दिए । आफ्नो अन्तर्राष्ट्रिय करियरलाई विश्राम दिँदै गर्दा मेसीमा कुनै हिनताबोध हुनेछैन ।