२५ असोज, काठमाडौं । आज विश्वभर विभिन्न कार्यक्रम गरी विश्व प्रवासी अर्थात्  ग्लोबल बिग डे ( World Migratory Bird Day and  Global Big Day ) मनाइँदै छ।  ऋतु परिवर्तन संगै  लाखौं प्रवासी चराहरूले मैदानहरू, समुद्र, पहाडहरूमा बहुराष्ट्रिय सीमाना पार गरिरहेका छन्। यस प्राकृतिक घटनाले अक्टोबर ११ शनिबार, ११  औं  विश्व प्रवासी चराहरूको  दिवस  भनेर मनाइन्छ |प्रवासी चराहरू र तिनीहरूको संरक्षणको आवश्यकता र तिनीहरूको बासस्थानको संरक्षणको महत्त्वको बारेमा जागरूकता जगाउन विश्व प्रवासी चरा दिवस मनाउन थालिएको हो |

चराहरु उड्ने भएकाले अनकूल मौसम, सुरक्षित बासस्थान र चरनको खोजीमा एक ठाउँबाट अर्को ठाउँ, एक देशबाट अर्को देश र एक महादेशबाट अर्को महादेशमा बसाइँ सरी आउने जाने गर्दछन्। बसाइँसराइ गर्ने चराहरुको संरक्षणमा विश्वव्यापी जनचेतना अभिवृद्धि र संरक्षणमा अन्तरदेशीय साझेदारी स्थापना गर्ने उद्देश्यले यो दिवस मनाउन थालिएको हो। पर्याप्त खाना, सुरक्षित प्रजननस्थल र राम्रो मौसमको खोजीमा चराहरु टाढा टाढाबाट बर्सेनि ताल तलैया र सीमसार क्षेत्रमा  आइपुग्ने गरेका छन् |

 

केही वर्षयता नेपालमा पनि विभिन्न कार्यक्रम गरी   विश्व प्रवासी चरा दिवस र ग्लोबल बिग दे मनाउने गरिएको छ।   नेपाल पन्छी संरक्षण संघको आयोजनामा  इचंगु नारायण वरपर  रहेका चराहरूको अवलोकन गरि  विश्व प्रवासी चरा दिवस र ग्लोबल बिग दे मनाइएको  छ |

चरा संरक्षणसँगै यसबारे जनचेतना फैलाउन समेत उनीहरू जुटेका हुन् ।  अहिले चरा अवलोकनको संस्कृति बढ्दै गएको पाइएको छ भने  आज २२ जना अवलोकनकर्ताले ५७ प्रजातिका चराको पहिचान गरेका छन् | पहिचानसँगै संरक्षणमा समेत योगदान पुग्ने  उनीहरुको भनाइ रहेको छ |

प्रसन्न श्रेष्ठ र  ११ बर्षकि नानि (भेरी कुमार)चरा अवलोकनकर्ता ले चराहरुको लिस्ट तयार पारे  संगै  प्रेम थापाले आजको कार्यक्रम  लीड गरेका थिए | यो प्रवासी चराहरू, तिनीहरूको संरक्षणको आवश्यकता र तिनीहरूको बासस्थानको संरक्षणको महत्त्वको बारेमा जागरूकता जगाउने   विश्वव्यापी अभियान हो। यो कार्यक्रम पाँच घण्टाको थियो   |