कविता

मुर्छित मन !
           दिव्य गिरी

बिर्सियो कसैले
सम्झियो कसैले
मन विचलित भएको छ त्यसैले ।

तर्साय‍ो कसैले
लखेट्यो कसैले
मन भयभित भएको छ त्यसैले ।

भुलायो कसैले
डुलायो कसैले
मन दण्डित भएको छ त्यसैले ।

बोलायो कसैले
लघार्यो कसैले
मन खण्डित भएको छ त्यसैले ।

उठायो कसैले
लडायो कसैले
मन मुर्छित भएको छ त्यसैले ।

जितायो कसैले
हरायो कसैले
मन आतङ्कित भएको छ त्यसैले ।

हँसायो कसैले
रुवायो कसैले
मन गलित भएको छ त्यसैले ।

पिरती लायो कसैले
मुटु जलाय‍ो कसैले

मन मुर्छित भएको छ त्यसैले ।