व्रिजटाउन । टी २० विश्वकपमा समुह बी अन्तरगतको पहिलो खेलमा नामिबियाले ओमनलाई सुपर ओभरमा पराजित गरेको छ ।
२२ रनको लक्ष्य पाएको ओमनले ६ बलमा १० रनमात्र बनाउन सफल भयो ।
सुपर ओभरमा पहिले ब्याटिंग गरेको नामिबियाले २१ रन बनाएको थियो ।सो रनमा डेभिड विसाले १३ र जेर्हार्ड इरास्मसले ८ रनको योगदान गरे । यसअघि खेल रोमाँञ्चक बराबरीमा सकिएको थियो । १ सय १० रनको लक्ष्य पन्छयाएको नामिबियाले निर्धारित २० ओभरमा ६ विकेटको क्षतिमा १ सय ९ रन बनायो । नामिबियाका लागि जान फ्राइलिंकले सर्वाधिक ४५ रन जोडे । ओमनका लागि मेहरन खानले ३ विकेट लिए भने बिलाल खान,अकिब इलियास र आयन खानले १ ,१ विकेट लिए ।
टस हारेर पहिले ब्याटिंग गरेको ओमानले १९.४ ओभरमा सबै विकेट गुमाएको थियो । ओमनले १ सय ९ रन बनाएको थियो ।