टी ट्वान्टी विश्वकप अन्तर्गत नेपाल र अमेरिकाबिचको वार्मअप खेल बर्षाका कारण रद्द
अमेरिका,डालास।
आइसिसी टी–२० विश्वकप अन्तर्गत नेपालको दोश्रो तथा अन्तिम वार्मअप खेल भारी बर्षाको कारण रद्द भएको छ ।
अमेरिकाको टेक्सासस्थित डालासको ग्रान्ड प्रियरी मैदानमा विहिवारको लागि तय भएको खेल लगातार बर्षा भएपछि रद्द भएको हो । उक्त खेलमा घरेलु टोलीले टस जितेर ब्याटिङ रोजेसँगै भारी बर्षा सुरु भएको थियो । यो नै नेपालको अन्तिम अभ्यास खेल थियो ।
विश्वकपअघि आइसिसीले तय गरेको पहिलो वार्मअप खेलमा नेपाल क्यानडासँग ६३ रनले पराजित भएको थियो । अब नेपालले सिधै विश्वकप खेल्नेछ । आगामी जेठ २२ गते नेदरल्याण्डसँग नेपालको विश्वकपको पहिलो खेलमा मुकाविला हुनेछ । समुह ‘डी’ मा रहेको नेपालले दोश्रो खेल श्रीलंकासँग जेठ २९ मा खेल्नेछ । यसैगरी समूह चरणको तेस्रोखेलमा नेपालले जेठ ३२ गते दक्षिण अफ्रिकासँग प्रतिष्पर्धा गर्नेछ भने समूह चरणको अन्तिम खेल असार दुई गते बंगलादेशसँग खेल्नेछ ।