काठमाडौं/ पर्वतारोहण संचालक संघ नेपालले वसन्त ऋतुमा हिमाल आरोहण गरेका आरोहीहरुलाई प्रमाण पत्र बितरण एवं सम्मान कार्यक्रम सम्पन्न गरेका छन् ।

उक्त कार्यक्रम शुक्रबार मनास्लु होटेलमा सम्पन्न भएको थियो | कार्यक्रममा माननीय संस्कृति, पर्यटन तथा नागरिक उड्डयन मन्त्री हितबहादुर तामाङ प्रमुख अतिथि रहेका थिए | मन्त्री तामाङले हिमाल आरोहणले विदेशी मुद्रा आयआर्जनमा सहयोग पुगेको बताएका छन /

आफ्नो जीवन जोखिममा राखेर वसन्त ऋतुमा विश्वको सर्वोच्च शिखर सगरमाथा र ल्होत्से तथा शरद् ऋतुमा मनास्लु, अमादब्लम एवम् हिमलुङ हिमालमा डोरी टाँग्ने तथा बाटो खोल्ने काम गरेर आरोहीलाई सहजता प्रदान गर्नेप्रति मन्त्रि तामाङले सम्मान व्यक्त गरेका थिए । उक्त अवसरमा मन्त्री तामाङले चोयु हिमाल नेपालमा भए पनि उत्तर चीनतर्फबाट मात्र चढ्ने गरेकामा यस वर्षदेखि नेपालबाटै चढ्ने वातावरण मिलाएको भन्दै आरोहीलाई धन्यवाद दिदै वर्तमान ऐन, कानुन, नीतिनियममा रहेर पर्वतारोहण सञ्चालनमा सङ्घ लाग्नुपर्ने विचार व्यक्त गरेका छन् ।

|

कार्यक्रममा बसन्त ऋतु २०२४ मा ८, ५१६ मि.अग्लो ल्होत्से हिमाल आरोहणको लागि बाटो खोल्ने तथा डोरी टाग्ने सम्मानित आरोहीहरुलाई प्रमाणपत्र दिई सम्मान गरिएको थियो ।